ELEGANT VA ZAMONAVIY DIZAYN
*Ba'zi funksiyalar model konfiguratsiyasiga qarab standart yoki ixtiyoriydir.
YUQORI UNUMDORLIK VA KUCH
*Ba'zi funksiyalar model konfiguratsiyasiga qarab standart yoki ixtiyoriydir.
PEUGEOT i-COCKPIT
*Ba'zi funksiyalar model konfiguratsiyasiga qarab standart yoki ixtiyoriydir.
TEXNOLOGIYALAR
*Ba'zi funksiyalar model konfiguratsiyasiga qarab standart yoki ixtiyoriydir.
- ALLURE CARE KAFOLATI Peugeot tomonidan 3 yil yoki 100 000 km rasmiy kafolat
- RASMIY XIZMAT KO'RSATISH MARKAZI Peugeot tomonidan taqdim etilgan barcha kerakli original diagnostika va xizmat ko‘rsatish uskunalari servis markazida mavjud
- ORIGINAL EHTIYOT QISMLAR Peugeot avtomobillari uchun original ehtiyot qismlar mavjud
Yangiliklar
-
PEUGEOT E-5008 eng yaxshi oilaviy avtomobil deb topildi
Yangi PEUGEOT E-5008 2024-yilda Axel Springer Verlag tomonidan taqdim etiladigan "Golden Wheel" mukofotiga sazovor bo‘ldi. Ushbu oilaviy avtomobil modeli AUTO BILD va BILD am SONNTAG jurnallari o‘quvchilari hamda ekspertlar hay’atini hayratda qoldirdi. Barcha g‘oliblar "AUTO BILD" jurnalining 46/2024 sonida va "BILD am SONNTAG" jurnalining 45/2024 sonida e’lon qilinadi. PEUGEOT Germany bosh direktori Kristian Ditch: "Golden Wheel – bu biz uchun muhim mukofot, chunki u ham haydovchilar, ham ekspertlar hay’ati tomonidan beriladi. Biz yo‘ltanlamaslarimizni ishlab chiqishda dizayn, interyer va oilalar ehtiyojlariga mos texnologiyalarga alohida e’tibor qaratdik. PEUGEOT E-5008 – bu bizning dizaynerlar jamoamizning qarashlarini aks ettiruvchi model bo‘lib, uning oilaviy avtomobillar kategoriyasida e’tirof etilganidan xursandmiz." "Auto BILD" va "BILD am Sonntag" o‘quvchilari hamda ekspertlar hay’ati PEUGEOT E-5008’ning zamonaviy jihozlari va innovatsion texnologiyalaridan hayratda qoldi. Yangi PEUGEOT E-5008 kuchli va ishonchli ko‘rinishga ega bo‘lib, aerodinamik chiziqlar va nafis interyeri bilan samaradorlikni ta’minlaydi. Ushbu model keng ichki makonga ega bo‘lib, yetti kishiga qulay va yoqimli sayohat qilish imkonini beradi. Yukxona hajmi 748 litr (5 o‘rin), 259 litr (7 o‘rin) va 1815 litrgacha (2 o‘rin, o‘rindiqlar yotqizilganda) yetadi. Avtomobil ichida yo‘lovchilar keng makon va maksimal qulaylikdan bahramand bo‘ladilar. PEUGEOT Panoramic i-Cockpit® markaziy o‘rinni egallaydi: proektsion displey va katta markaziy sensor ekran yuqori aniqlikdagi 21 dyuym (53,3 sm) o‘lchamdagi egri panoramali ekranga integratsiya qilingan. Yangi PEUGEOT E-5008 boshidan elektr model sifatida ishlab chiqilgan bo‘lib, elektr dvigatellari 500 dan 664 kmgacha masofa bosish imkonini beradi. Energiya sarfi 18,2–19,4 kVt·soat/100 km, CO₂ chiqindilari – 0 g/km, CO₂ sinfi – A1 bo‘lgan uzoq masofaga mo‘ljallangan yangi PEUGEOT E-5008 joriy yilda Parij avtosalonida namoyish etildi. "Golden Wheel" mukofoti haqida Nufuzli "Golden Wheel" mukofoti Yevropa avtomobil sanoatidagi eng yuqori mukofotlardan biridir. Uni Axel Shpringer – o‘z nomidagi nashriyot asoschisi – 1976 yilda ta’sis etgan. 2009 yildan beri ushbu mukofot "BILD am Sonntag" va "AUTO BILD" jurnallari hamkorligida tashkil etiladi. Har yili turli kategoriyalar bo‘yicha avtomobillar "AUTO BILD" o‘quvchilari so‘rovi va ekspertlar hay’ati baholash natijalari asosida aniqlanadi. Hay’at tarkibiga mutaxassislar, texnik ekspertlar, bosh muharrirlar hamda mashhurlar kiradi. Mashhurlar orasida Andrea Kayzer va Ri Harder kabi taniqli shaxslar, Betty Taube va Twenty4tim kabi blogerlar, shuningdek, poygachi Xans-Yoaxim Shtuk va jahon rallisi chempioni Sebastyen Ojye bor. Final sinov haydovlari 29-sentabr kuni Lаuzitsring trassasida o‘tkazildi.
06.02.2025
-
PEUGEOT O'zbekiston bozoriga kirmoqda
Stellantis tarkibiga kiruvchi Fransiyaning mashhur PEUGEOT avtomobil brendi O‘zbekiston bozoriga rasman kirib kelmoqda. SARDA Auto Uzbekistan PEUGEOT'ning mamlakatdagi eksklyuziv hamkori etib tayinlandi. Toshkentda birinchi avtosalonning ochilishi 2025-yilning apreliga mo‘ljallangan bo‘lib, bu brendning mintaqaviy rivojlanishida muhim bosqich bo‘ladi. Birinchi bosqichda PEUGEOT Uzbekistan riteyl, logistika, turizm, kichik va o‘rta biznes uchun Boxer, Expert va Partner modellarini taklif qilib, yengil tijorat avtomobillari segmentiga e’tibor qaratadi. Yilning ikkinchi yarmida kompaniya oʻzining model assortimentini kengaytirish va Oʻzbekiston bozoriga yengil avtomobillarni, jumladan, PEUGEOT 408, 508, 2008, 3008, 5008 rusumli avtomobillarni taqdim qilishni rejalashtirmoqda. PEUGEOT Uzbekistan mijozlari rasmiy kafolat, original ehtiyot qismlar va malakali servis xizmatidan foydalanish imkoniyatiga ega boʻladi. "Yuqori darajada ishonchli va tejamkor bo‘lgan PEUGEOT tijorat avtomobillari Yevropada o‘z samaradorligini isbotlab bo‘lgan. Ishonchimiz komilki, ular o‘zbekistonlik tadbirkorlar uchun maqbul tanlov bo‘ladi", - deydi SARDA Auto Uzbekistan bosh direktori Hidemaru Sato. PEUGEOT’ning O‘zbekiston bozoriga kirishi Stellantis’ning rivojlanayotgan bozorlarda o‘z ishtirokini kengaytirish bo‘yicha global strategiyasiga mos keladi. SARDA Auto Uzbekistan hozirda O‘zbekistonda bir qancha loyihalar, jumladan, PEUGEOT Uzbekistan loyihasi ustida ishlamoqda. U Ozarbayjon va Gruziyadagi Toyota, Lexus, Volvo Trucks, BYD va Peugeot kabi qator xalqaro avtomobil brendlarini boshqaradigan SARDA Group tarkibiga kiradi. PEUGEOT Uzbekistan qo‘shilishi bilan kompaniya Markaziy Osiyodagi strategik kengayishini davom ettirmoqda.
06.02.2025
